janssen vaccine

Ioeina le faaaogaina o le tui a le Janssen i Niu Sila

Ua ioeina nei le faaaogaina o le tuipuipui o le Janssen I niu Sila mo I latou e tai 18 tausaga ma sili atu. Lipotia I le Herald se faamatalaga mai le minisita o le koviti 19 I le vaiaso nei, Chris Hipkins e faatatau I le ioeina e le Medsafe o le faaaogaina o lea tui.

Fai mai le minisita o le tui lea e matuai saogalemu ma matuai aoga foi ae oloo tumau pea le fuafuaga o le faagasologa o le faia o tui o le Pfizer ae o loo talia se aso e avanoa ane ai le tui fou lea I tagata Niu Sila.

Faailoa e le minisita o le tui o le astraseneca leisi tui o loo avanoa pea, o se vaega o le portfolio o loo totogi e niusila ma o le a foaiina atu foi mo isi atunuu aemaise lava I le Pasefika.

Ua faailoa foi I le lipoti ua faamautuina le maua e Niu Sila o le 2 miliona o tui ia a le Janssen mai se maliega tau faatauga na faia I le tausaga talu ai.

O loo fuafua la o le a faia le faaiuga a le Kapeneta ia Aukuso e faatatau I le faaaogaina o le tui fou lea.Ua faailoa foi ole tui lea e nao le tasi lona dose e mafai ona faia mae taua e ono aoga foi mo I latou e aumau I nofoaga e faigata ona oo iai fesootaiga aemaise foi I latou e le mafai ona faaaogaina iai le tui o le Pfizer.

Ua oo atu I le 500 afe tagata Niu Sila ua maea ona faia uma tui e lua o le koviti. E tolu isi cases fou faamauina mai I le aso mai nofoaga faanofoesea ae leai ile komiuniti. O I latou ua aafia na malaga maim ai Peretania, Meleisia ma le atu Alapi.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required