Search
Covid pills

Ioeina e le TGA Fualaau e lua mo togafitiga o le koviti

E lua isi fualaau mo togafitiga o le koviti 19 ua ioeina nei lona faaaogaina e le TGA poo le Therapeutic Goods Administration a Ausetalia ma o le a faaaogaina e tagata matutua e aafia ile koviti 19 ae le manaomia ona faaaoga masini faamanava ae o loo iai ise tulaga ogaoga o le faamai pe o loo faataotolia foi I falemai.

Ae ua faamanino mai e le TGA e le tatau ona faaaoga Fualaau ia e lua e faapea e sui tulaga I le tui puipui . Oleisi fualaau o le Paxlovid e mai le Pfizer Australia ma leisi o le Lagevrio mai le kamupani a Merck Sharpe and Dohme Australia.

O ituaiga Fualaau muamua ia ua ioeina lona faaaogaina I Ausetalia mae ua lipotia e tatau ona inuina I totonu o le 5 aso talu ona amata faalogoina auga o le faamai. E faalua ona inu ile aso moa so e lima .Fai mai le minisita o le soifua maloloina Greg Hunt o Fualaau e faaaoga e fesoasoani ai ile taofia o auga feololo agai ise tulaga tigaina mai le faamai ma o se tulaga taua tele le maua o nei togafitiga.

I se lipoti o le koviti mai setete tetele o Ausetalia I le aso ua faamauina ai I Niu Sau Uelese, tagata e 30,825 tagata ua aafia ile koviti ile 24 itula talu ai ma le toa 25 o tagata maliliu. Ua faamauina ua faaitiitia teisi mai le aofai o tagata e taofia ile falemai ona o le koviti I totonu o Niu Sau Uelese, e 2781 o loo I maota gasegase pea ile taimi nei.

I vitoria e toa 15 tagata ua maliliu a le 21,966 o tagata ua aafia ile vairusi I totonu o le 24 itula ua tuanai. E toa 40 gasegaseo loo faamanava i le ventilator.  O Kuiniselani ua faamauina e 9 tagata maliliu ma le 16,812 o cases fou.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required