Ua ioeina e Kiri Allan, o lē sa avea muamua ma Minisita o Faamasinoga i le faigamalo a le Leipa, ona moliaga uma mai se mataupu na aafia ai ia Iulai o le tausaga na te’a nei.
Ta’ua i le One News na molia Kiri i le avetaavale faatamala ma le teena o le agai ane ma se malu o le malo ina ua lavea lana taavale na soso’a atu ai se isi taavale sa faapaka i Evans Bay Parade i Ueligitone.
Sa tuuina foi iai ma se sala mo le avetaavale a o faasuaavā.
Mulimuli ane na faamavae mai ona tofiga faaminisita ma agai ese ai ma le polokiki.
O le asō sa faatulaga e tulai ai i le Faamasinoga Faaitumalo i Ueligitone.
O Kiri o se loia foi ma sa ia ta’ua i sana faatalanoaga i le taimi ua tuanai i le NZ Herald, na te fia faata’ita’ia se tulaga o loo mātele ina iai se numi i le tulafono e faatatau i le aiātatau e faafesootai ai se loia.
Ua faailoa e lei tulai Kiri i le faamasinoga i le asō ma ua faamaonia ai lona moliaga ma faasala e totogi le $300.
O le isi moliaga e leai se faasalaga, fai mai le faamasino Judge Gibson, ua lava tulaga ua fesagai ma Kiri ma ua faatonuina foi e totogi le $5,296 mo mea na faaleagaina i le taavale na aafia i lea mataupu.
Puna o Faamatalaga: https://www.1news.co.nz/2024/05/22/kiri-allan-pleads-guilty-on-day-trial-was-set-to-begin
