Search

Ioe Michael Crawford i ona moliaga

Ua ioeina e se alii mai Aukilani i Saute lona moliaga o le auai i se soligatulafono na o atu ai I se taavale ma tafana atu i fale o ni aiga i totonu o le lima aso

O le alii 26 tausaga le matua, o Michael Crawford na tulai i luma o le faamasinoga maulauga a Aukilani i le asō ma ia ioeina ai i luma o le faamasino ia Justice Sally Fitzgerald e lima fale o ni aiga i se auala i Otara na ia lamaina i le Aso 16 o Novema 2020, sosoo ane ai ma isi fale e tolu i le isi auala i le Aso 20 o le masina lava lea.

E le’i iai se tasi na faamanu’alia  lea faalavelave ae o molaiga faasafa ia Crawford na taua ai sa ia silafia lelei lava le telē o le lamatiaga i soifua o isi tagata i le solitulafono sa ia faia. O lea faalavelave na faataunuu e lenei alii na lavea ma se lamatiaga mo i latou i na vaipanoa, ma na mafua ai foi ona toe faaopoopo ane nisi o leoleo mai isi itu o Aukilani, mo le leoina o le saogalemu o lea pito o Aukilani.

Na ioeina e Crawford le moliaga o lona umia o ituaiga auupega 71 shotguns cartiadges, o se fana o le ituaiga o le AK-47, ma umia ai foi nisi o meafaitino faapāpā matautia ma lona ulufale faamalosi ise fale ma se laau malosi ma le faamoemoe e faatino se faaoogalima ma auai i se vaega na faamaopoopo mo le faatinoga o se solitulafono.

Ua faatulaga nei i le masina o Iulai o le a lauina ai le faasalaga moa Crawford ina ua malie le faamasinoga e toe aveese isi moliaga e fa mai uluai moliaga na iai mo lenei alii.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required