Ua ioe le alii o Mataiva Sepu o Faleatiu i moliaga o le umiaina ma totoina o laau faasāina o le mariuana.
E tusa ma le 111 fatu mariuana, 647 laau mariuana na ia totoina.
O lea solitulafono na maua lea e leoleo i sa latou osofaiga i le alalafaga o Faleatiu talu ai nei.
O le alii ua molia e iai ana solitulafono muamua i le tulaga lava lenei o le umiaina o laau faasāina ma o le faatolu ai lenei ona tulai i le faamasinoga i lea lava solitulafono.
Ua faatulaga mai e le Faamasinoga le aso 25 o le masina nei e tuuina mai ai se faasalaga o lea alii, ae o loo i le vaavaiga lava a leoleo e tālia ai le aso o lona faasalaga.
