Ua uma le palota a councillors Ueligitone, ma o le toatele o loo mananao e faaauau pea galuega toe faaleleia o le Town Hall, e ui i le taugata.
O le Town Hall, ua 120 tausaga le matua na tapunia mai lava mai le 2013 i le mae’a lipotia ua faigofie ona lamatia i mafuie.
O le aso ananafi na faia ai le palota ma o itu nei na agai iai –
– a faaauau pea galuega faaleleia o le a totogi le $252 i le $329 miliona
– Ae a tuu i lalo le fale tele, o le a faaalu ai le va o le $204 i le $343 miliona
Mai le pulenuu ia Tory Whanau, e lē o fiafia i le taugata o le tau e faamae’a ai lea galuega tele, peitai o se faaiuga e manuia ai tupulaga o Ueligitone mo a taeao ma e tāua ai le faaiuga ua faia nei.
E toa 13 councillors na palota e faaauau pea galuega faaleleia o le Town Hall, e ese ai le toatolu na tetee.
