Ua ioeina e lē sa avea ma Faipule a le Green Party, Golriz Ghahraman i ona moliaga e 4 o le gaoi.
E fā moliaga o lona gaoia o meatotino mai se tasi o faleoloa i Aukilani lea e faapea e faalua ona fai, ae o le isi o le faleoloa i Ueligitone.
O le masina o Oketopa ma Tesema o le tausaga talu ai lea o loo ta’ua na tutupu ai, ma o le tau atoa e tusa ma mau i luma o le faamasinoga ananafi e $8,917.
O le aliae ai o lenei mataupu i le ogatotonu o Ianuari o le tausaga lenei na faamavae ai loa ma le tamaitai faipule mai polokiki.
O le aso 2 o Iuni lea ua tuu atu iai le lauina o le iuga o lenei mataupu.
