Ua ioe le puleganuu a Ueligitone e faatau ese ana sea o loo umia i le malaevaalele.
E ese mai le paketi a le faigamalo ananafi i le Palemene, o lea lava foi na pisi le puleganuu a Ueligitone latou e talanoa lana paketi 10 tausaga ma o se tasi lea o mataupu tāua toe ma’ale’ale na lotea ai.
E 34% sea a le puleganuu o loo iai nei i le malaevaalele faavaomalo i Ueligitone, lea e tusa lona tau ma le $278 miliona.
O se mataupu foi na tu malosi ai le pulenuu Tory Whanau, ma i le finau a le pulenuu o le faatau ese o sea poo le momotu o nisi o tupe o loo faaagaga mo auaunaga tāua mo le aai.
O le faatau ese o ana sea i le malaevaalele, e lē na o le pau ai lea o mataupu o le paketi 10 tausaga ma o lea o loo faauau talanoaina pea nei le atoaga o le Long Term Plan seia oo ina faamausali i le faaiuga o le masina fou.
Puna o Faamatalaga: Wellington City Council votes to sell its airport shares, Tory Whanau says it will avoid further cuts – NZ Herald
