Ua ioeina e le Kapeneta a le atunuu se vaegatupe e $2.2piliona e faamalosia atili ai auaunaga e pei o le Medicare, o le saunoaga lea mai le Palemia o Ausetalia, Anthony Albanese i le mae’a o le fono a le Kapeneta i le asō.
Na saunoa foi le Palemia o le tala faatatau o le tupe a le faigamalo o le a folasia i le masina fou, o le a aofia ai ma nisi o fesoasoani mo auaunaga tau le soifua maloloina.
O se tasi vaega ua saunoa le Palemia e ao ona faaleleia o le tulaga i tausiga, primary care ina ia faamāmā ai foi le avega i luga o falemai faalauaitele i le atunuu.
Taua e Albanese o loo fia faalautele l auaunaga tau tausi soifua ia faaleleia ai foi le tausiga.
O le a aofia foi i le tala o le tupe se inivesi o le a faia i le digital health faatasi ai ma le $720 miliona o le a inivesi i le NDIS ina ia faaleleia atili ai foi le auaunaga.
