E ui i le to’atele o le autapuai a le All Blacks sa manatu ua tatau ona faamālōlō loa le faiaoga o le ‘au o loo iai nei Ian Foster, peitai e lē o le tulaga lea o le a iai.
Ua faailoa i se lipoti mai le Stuff i le asō o le a lē suia le faiaoga peitai o le a faatalitalia se gaioiga tāua mai ia Joe Schmidt ma e ono suia foi le kapeteni.
Fai mai le lipoti o loo iloilo nei e le NZ Rugby le All Blacks ma ua mae’a foi fonotaga a le faiaoga ma le Ofisa Sili o le taaloga Mark Robinson ma o le asō ua fuafua e faia ai le fonotaga a le fono faatonu.
O le mataupu i le kapeteni o le ‘au e manatu le to’atele ua tatau ona sui le alii o Sam Cane a lē o Ardie Savea poo Dalton Papalii.
