Ua taofia lē tumau mo le taimi nei le tele o faigamalaga a nisi o kamupani vaalele aga’i atu i le atunuu o Haiti ina ua aafia se vaalele na sau mai Amerika, i pulufana a o taumafai e tulaueleele i Port au Prince.
Fai mai lipoti o le faigamalaga a le Spirit Airlines mai Florida na toe faaui ane i le Dominican Republic e faatulaueleele ai i le malaevaalele i Santiago.
O loo faamanu’alia se tagata faigaluega o le vaalele ae lē tigaina ae o loo saogalemu uma le pasese.
Fai mai o le faatolu ai lea ona osofa’ia vaalele e ui ane i le faaitu lea i le laumua o Haiti.
Ua tula’i mai lea faalavelave ae faato’ā amata le paea’iga a le Palemia fou o le atunuu, o loo aafia pea i vesiga a kegi ma sauāga.
Fai mai le Palemia fou o lana faamuamua o loo ave i le faaleleia o le saogalemu o le atunuu.
E lua isi kamupani vaalele mai Amerika ua taofia foi lē tumau a latou faigamalaga i le faaitu lava lea se’ia oo i le Aso Tofi.
Puna o Faamatalaga: https://www.bbc.com/news/articles/cy9jpnl3j5wo
