Ua ma’umau le $65 miliona a le uafu i Aukilani na faaalu mo le poloketi na taumafai ai le suia i faiga otomeki.
O le tau lea o le poloketi na amata mai i le 2016 faamoemoe e faauma i le faai’uga o le 2019 agai mai i le amataga o le 2020, ma e faamagoto le $65 miliona e oo mai ananafi e lē o iai se aso e faamuta ai.
O se taumafaiga na faamoemoe e okomeki ai auaunaga i le Fergusson Container Terminal, peitai ua ta’utino le pule sili ia Roger Gray e lē mafai ona tupu.
O le lipoti lata mai o lea poloketi o loo sau ai e moomia se isi taimi faaopoopo ma nisi tupe, ma i le silasila a le pule sili e lē iloa poo afea a tino mai ai.
O le tele o le tupe gau na faaalu lea i software, faapea ai masini lifi otomeki lea o le a toe sui agai i le manual.
Mai le Iuni o se luma le lē taunuu o lea poloketi ae o se tupe gau foi mo le ‘au fai sea poo shareholders.
A o toe taumafai ai le pule sili e faafoi mai le talitonuga o le ‘au fai sea, paaga ma tagata Aukilani, mai le pulenuu o Aukilani e lē o toe mamao uma lona taimi i le tofiga Phil Goff ua ia faatalosagaina le tatau ona faia o se iloiloga pe na fai ni su’esu’ega a le laulau a fono faapea le pule sili na ioeina le faia o lenei poloketi.
