Ua tumutumu le laumua o le Ekalesia Faapotopotoga Kerisiano Samoa i Malua i usugafono o le Fono Tele o lenei tausaga, e pei ona amata i le vaiaso nei le fono laitiiti lea e aofia ai ma le fono a le mafutaga a tina ma faletua o faifeau o le ekalesia.
O se vaiaso tāua lenei auā o loo faatalanoa ai mataupu mai usugafono a matagaluega ma pulega o le a tuuina atu i le Fono Tele i le vaiaso fou mo iloiloga ma ni faaiuga.
Ua lua ai nei tausaga talu ona toe foi le Fono Tele i le taimi masani o ana fono faaletausaga e usuia i le masina o Me, i le tuanai o le tausaga e 2022 na usuia ai i le masina o Setema ona o tulaga sa feagai ai le lalolagi ma le faama’i o le Koviti-19.
