New Zealand Police

Gaoia le Westfield Mall i St Lukes

O jewellery stores ise tasi o nofoaga faatau pisi i Aukilani, lea na agai iai osofaiga a le au gaoi ile faaiuga o le vaiaso ma ua lipotia mai ilea so o loo faatino nei iai suesuega. Fai mai lipoti o le gaoiga muamua na tupu ile aoauli o le aso toona na tea nei ile Michael Hill Jewellers i le westfield mall St Lukes.

Fai mai faamatalaga fetauaina na agai atu le gaoi i totonu o le faleoloa ma talanoa ma le aufaigaluega poo le afa o le 1 ile aoauli ae mulimuli ane sola ese ai ma oloa mai le faleoloa lea.

O loo silasila nei leoleo i ata mai meapueata a le CCTV ma ua talosagaina seisi o le atunuu na te silafia se faamatalaga i lenei maftaupu ina ia fesootai ane i leoleo.

O le ta o le tolu ile vaveao analeila na toe osofaia ai foi e se tagata le faamalama o le faleoloa o le Stewart Dawsons Jewellers lea foi e i totonu o le mall lava lea e tasi.

E lei mafai ona ulufale lea tagata ile nofoaga ma e leai ni oloa na aveesea pei ona faamatala e le aufaigaluega ile Herald. E le o le taimi muamua lea ua osofaia ai ni faleoloa ile Mall lea aemaise lava ile faleoloa o Michael Hill .

O le masina o Iulai na osofaia ai foi leisi o latou faleoloa I Whakatane faapea foi ma le faleoloa i Pukekohe ma le West city mall i Henderson. O loo faia nei suesuega.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required