Na gaoia foi le isi pamu penisini i Aukilani i Saute ananafi.
O le tea o le itula e lua i le vaveao lea na tata’e ai e le augaoi faamalama ae ulufale faamalosi i totonu o le pamu i Weymouth Road, i Manurewa.
E toatasi le tagata faigaluega sa galue i lea taimi, ma e faafetaia e le i faamanu’lia.
O le osofaiga ananafi o le ono ai lea o gaoi e gaoia pamu penisini i Aukilani i totonu o le vaiaso.
I se faamatalaga mai leoleo o loo mataitu pea e sui o le ofisa pamu penisinisi aemaise lava i nofoaga o loo tatala tai 24 itula.
