O le asō na faataunuuina ai se fonotaga tāua i le va o le Matagaluega o Leoleo ma le Interpol e tusa ai ma tapenaga mo le fonotaga a ulu o Malo o le Taupulega i le masina o Oketopa, lea o le a talimalo ai Samoa i le tausaga nei. 

I lea fonontaga na talanoa ai fuafuaga mo le agai atu i le fonotele, aemaise o le talanoaina o fuafuaga i itu tau saogalemu i le taimi e faataunuuina ai le fonotaga a ulu o malo poo taitai o Malo o le Taupulega.  

E lē gata na faasoa ai itu e lua i tapenaga ma sauniuniga mo le fonotele ia Oketopa ae na faaaogā foi lea avanoa e faasoa ai itu e lua i le la faigapaaga ae faapea itu e saga faamausalī ai galuega fai faatasi mo le puipuiga lautele o tagata. 

Sa tagatagi foi ina ia mafai ona galulue e tetee atu i faiga faasolitulafono, faapea ē galulue e faatino galuega faalauiloa i fuafuaga mo le malupuipuia o tagata ma lo latou saogalemu. 

Ina ia fai ma pine faamau o lea faatasiga, na tuuina atu ai e le sui o le Interpol se meaalofa i le alii Komesina Auapa’au Logoitino Filipo ua fai ma faamau faailoga i le la faigapaaga ma le galuega fai faatasi auā le malupuipuia o tagata i Samoa ma le Atu Pasefika.