Search
Photo Credit: A.D.R.A. Samoa

Galulue faatasi le A.D.R.A. Samoa ma nisi o Matagaluega ia unaia le tetee atu i sauaga

E sefulu afioaga o loo faatino ai le polokalame lenei o loo taulamua ai le A.D.R.A. Samoa faatasi ai ma le lagolago a le Matagaluega o Leoleo, Soifua Maloloina e tauala atu i le vaega o loo nafa ma gasegase o le mafaufau ma le vaega o le ofisa o le Soifua Fanau-Tama Manuia.

I faamatalaga mai i le itulau a le A.D.R.A. Samoa i upega tafailagi, o le aso muamua o le a faagasolo ai faalauiloa aemaise o auaunaga e faafoeina e le Samoa Family Health.

O lenei polokalame e auga lea i le unaia o le taofia o sauaga aemaise le soifua manuia ma o sui o le a resitala o le a mafai ona tuuina iai pepa o faamaumauga faalesoifua maloloina aemaise o vaega e moomia.

O Aai o Fiti sa tomua i lenei polokalame ma e silia ma le tolusefulu i latou na resitala ma e faafetaia ai le talileleia o le polokalame.

O nisi o afioaga e aofia ai Falelauniu, Fusi Saoluafata, ma Solosolo na molimauina ai le lagolago o afioaga ma nuu e auai ma malamalama foi i faamatalaga aemaise o faasoa o finagalo i sui o le polokalame ina ia mafai ona tuuina ai le fesoasoani.

E 6 afioaga o loo fuafua o le a oo iai lenei polokalame.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required