O loo galulue nei Eleni poo Greece faatasi ma isi atunuu e fā mai le Atu Europa e faatū se nofoaga o le deportation center i atunuu e vaivai tamaoaiga aemaise lava i Aferika mo i latou e teena talosaga mo ni avanoa e aumau ai i ia atunuu, asylum seekers.
O le faamatalaga lea mai le minisita o feoa’iga a le atunuu, sa faia i luga o le televise a le atunuu.
Ua faailoa o loo latou galulue faatasi ma Netherlands, Siamani, Austria ma Denmark mo lea faamoemoe ma ua mae’a foi ona talanoa sui mai atunuu uma e lima e faatalanoa lea tulaga.
E lē o faailoaina mai atunuu o le a faatūina ai ia return hubs e pei ona faaigoa ai ae o loo feta’ua’ina le konetineta a Aferika.
Mo le tele o tausaga sa avea ai Eleni o se tasi o nofoaga e ulufale atu iai tagata i le Iuni a Europa aemaise i latou e sosola ane ona o vesiga ma le tulaga mativa i Sasa’e Tutotonu, Aferika ma le Atu Asia.
Puna o Faamatalaga: https://edition.cnn.com/2026/02/18/europe/greece-eu-deportations-asylum-seekers-intl-latam
