Na galo ona totogi le oka a le pulenuu o Ueligitone na faia i se tasi o faleaiga sa tafao ai i le po o le Aso Faraile.

O le The Old Quarter e tusa ma lipoti a le leitio a Niu Sila i Dixon Street lea e faapea na eva ai Tory Whanau ma se tasi o faauo, ma o lea na tuua le fale’aiga e lei totogia le oka e aofia ai le fagu uaina ma o loo molimau ai foi le aufaigaluega na faasuaava le pulenuu.

Mai le pulenuu ua lagona lona maasiasi i le lē totogia o le oka, ma o se sasi, ma o lea lava na toe totogi i le taeao o le Aso Toonai.

E iai nisi o lipoti e tusa ma faamatalaga na tu’i fesili ai e le pulenuu le aufaigaluega, pe iloa o ia o le pulenuu o Ueligitone, ma o ni lipoti o loo teena e Whanau.

Mai se tasi o councillor a Ueligitone, ua o ni amioga ua ta’uvalea uma ai i latou aemaise lava i le taimi e lē o fiafia ai le toatele o tagata Ueligitone i le Council.