Ua gaioi nei le Premier o NSW, Chris Minns e faamālōlō lē tumau le Iuni CFMEU mai le vaega faaupufai a le Leipa ma taofia loa foai ma nisi lava totogi e aofia ai ona o tuua’iga o faiga lē sa’o.
Ua ta’ua i tala mai le 9News o lipoti a le Nine Newspapers i le asō ua feta’ua’ina ai se meapueata a leoleo sa nanā i totonu o le ofisa o le Iuni i Sini ua maua ai le tuuina ane o se vaegatupe e 5 afe i le pule o le ofisa i NSW o Darren Greenfield.
O loo teena e Greenfield ia tuua’iga i le mataupu lea i le 2020 ma ua i luma o le faamasinoga le mataupu, ae e lē o iai i le taimi nei se faamaoniga ua faamaonia se solitulafono i le mataupu lea ma o loo avea pea ma failautusi o le iuni i le setete.
Peitai la fai mai le Premier i se pepa o faamatalaga fai faatasi ma le Teutupe o le setete o Daniel Mookhey o le a talosaga foi i le Commonwealth Government e toe iloilo lana silasila i maliega sa faia ma le CFMEU le iuni o tagata faigaluega i galuega faufale ma isi, le Construction, Forestry and Maritime Employees Union.
Puna o Faamatalaga: https://www.9news.com.au/national/minns-to-suspend-cfmeu-from-labor-party-stop-donations/65e483db-d9f6-4090-9639-d56785c548f7
