O loo gaioi nei le faigamalo a le Feterale ile faavave ona tipoti ese ma le atunuu, I latou e solitulafono ogaoga pei o sauaga ma soligatulafono faatatau I le faia o uiga mataga fai faamalosi, I latou ia na soifua ane I atunuu I fafo atu o Ausetalia.

Lipoti a le SBS ua taua ai fuafuaga a le soofaatasi e faalauiloa nisi o tulafono ile palemene e tapunia ai nisi o vaega o avanoa mai I tulafono faatatau ile I tagata malaga mai I le atunuu ma ituaiga tagata e iai,migration character test.

O nisi o suiga e pei ona faailoa ile lipoti o le a mafai ai ona teena pe faaleaogaina foi e le malo visa mot agata e le o ni sitiseni ausetalia, I latou ia ua faamaonia soligatulafono ma ua lauina iuga e le itiiti ifo ile 2 tausaga e falepuipui ai ona o soligatulafono ogaoga ma ua avea o ni lamatiaga ile komiuniti.

Ole faamatalaga a le minsisita o femalagaaiga Alex Hawke na faia I luga o le televise ile aso ua ia taua ai emanaomia e le malo le malosiaga lea e tipoti ai tagata faapea I o latou atunuu moni ma o Ausetalia le atunuu muamua ua faatinoina le tulaga lea o le toe tipoti o le tusa ma le 10 afe o le au solitulafono ogaoga ma faaleaogaina o latou visa.

O soligatulafono o loo silasila iai suiga ia ile tulafono e aofia ai tulaga tau sauaga, violence ma soligatulafono tau feusuaiga fai faamalosi , solia o aiaiga tau puipuiga, umia ma le faaaogaina o ni auupega ma isi soligatulafono tuga.