Fuafua se leitiofoni a le Ekalesia EFKS i Patamea mo le toe fausia o le malumalu

Ua talosagaina e le Faipule o le Itumalo Gagaemaiga No.1 Tuala Tevaga Ponifasio faatasi ai le faifeau o le Ekalesia EFKS i Patamea le susuga Rev Tanielu Tupusē  faapea le laulau a le Ekalesia le atunuu e ala i se fesoasoani mo le toe fausia o le malumalu na aafia i se afi i le vaiaso i le faaiuga o le vaiaso.

O le fesoasoani ua talosagaina e tauala atu i se leitiofoni le Ekalesia o le a faia i le faaiuga o le vaiaso nei i luma o le fale o le Mālō i Eleelefou e talosagaina ai le mamalu o le atunuu mo so latou foai. 

E pei ona silafia o le malumalu a le Ekalesia EFKS i Patamea na maea fausia i le tausaga e 2004 ae faatoa maea i le tausaga na te’a nei ona totogi nonofatupe ma le mokesi peitai lea ua aafia ma liu efuefu ona o se afi, masalomia na mafua mai i se uaea eletise o le malumalu.

O lea leitiofoni o le a amata i le itula e 7 i le taeao o le Aso Toonai ma faasolo ai seia maea le aso ma ua talosagaina soo se foai a le atunuu i lea aso o le a talia ma le agaga faafetai.

Scroll to Top

Keep uptodate with Radio Samoa activity & promotion

* indicates required