Ua faailoa i lipoti a le RNZ Pacific i le aso ananafi o loo iai se fuafuaga e feiloai ta’ita’i o le Pasefika, le Pacific Islands Forum Leaders ma le peresetene o le malo tele o Amerika i Amerika i le masina fou mo le faamoemoe e faavavevave nisi o taumafaiga e faatatau i le ofi atu o Saina i le Pasefika.  

O le sui failautusi o le malo o Amerika o Wendy Sherman lea sa asia le Pasefika e aofia ai ma Samoa lea ua ia faamaonia lea faamatalaga ma ta’ua ai ua nofosauni le alii Peresetene e faafeiloa’i atu ta’ita’i o le Pasefika i le fale pa’epa’e poo le White House i le masina fou.  

Fai mai Sherman o le a faalauiloa i se taimi e lē o toe mamao le aso tonu o le fonotaga. A o iai le tamaitai failautusi i le Pasefika sa ia asia ai Samoa, Tonga, Le Atu Solomona. 

A o iai i Samoa sa faailoa ai foi le faafetai a le tamaitai palemia ina ua toe auai ane Amerika i le Paris Agreement lea e faatatau i suiga o le tau ma sa faafetaia foi e le sui o Amerika Samoa mo le tulaga o iai i upufai o malo.