F.A.S.T Chairman, Laauli Leuatea Schmidt; Deputy Chairman, Olo Fiti Vaai; Treasurer, Leatinuu Wayne Fong; Secretary, Va'aaoao Salu Alofipo with H.R.P.P. candidate Tavui Asiata Tiafau
Photo: Samoa Observer

Fuafua le sui o Satupaitea e auai i le FAST

O le vaiaso nei na feiloai ai le sui o Satupaitea Tavu’i Asiata Tiafau ma le komiti o le vaega faaupufai o le Faatuatua I le Atua Samoa ua Tasi le FAST e tuu atu lona fanoga faatasi ai ma le nuu e fia auai ai i lea vaega faaupufai.

O Tavu’i na tauva i le faigapalota na se’i mavae atu nei i le lalo o le fu’a a le HRPP lea na manumalo ai le afioga ia Lautafi Selafi Purcell i palota e 502 ae maua e Tavu’i palota e 440.

O lea feiloaiga na faailoa ai e matai o Satupaitea i le Komiti a le FAST e le’i manuia le latou taumafai atu ina ia tauva Tavu’i i lalo o le vaega a FAST i le faigapalota muamua auā e tuu atu le latou fanoga ua maea ona filifili e Tavu’i le HRPP e tauva ai.

Na talia e le sui taitai a le FAST Laaulialemalietoa Polataivao Schmidt lenei feiloaiga ma ia faafetaia ai le nuu i le oo atu ae peitai e le mafai ona tauva Tavu’i i lalo o le faamalu a le FAST pe a toe fai seisi faigapalota aua ua maea ona resitala i le HRPP.

I se faatalatalanoaga a Tavu’i ma le Samoa Observer na ia taua ai “na maea loa le palota na fai i le Aso 9 o Aperila ma malolo ai , na iai loa se manatu e agai i le FAST , ae le gata i lea tusa lava pe na manumalo foi i lea lava faigapalota e saili lava se auala e lagolago ai le FAST”

Taua foi e Tavu’i “ ina ua maea ona resitala ia Oketopa o le tausaga na tea nei, ua nofo ma mafaufau e tatau ona toe sui le vaega e tauva ai peitai ua tuai ona na vave tapuni le resitalaina o sui tauva mo le palota”

Na ia taua foi afai ae toe fai se isi faigapalota fou o le a tauva pea i lalo o le HRPP ae e ave lana lagolago i le vaega faaupufai a le FAST.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required