Fuafua le Mālō e faatau se masini faata fou (CT Scanner)

Ua taoto nei se fuafuaga a le Malo e faatau mai se masini faata fou CT Scanner e sui ai le masini faata ua silia nei ma le tausaga o faaletonu.

Ua faailoa lea fuafuaga e le Minisita o le Soifua Maloloina le afioga Valasi Luapitofanua Toogamala Tafito Selesele i le tuanai ai o se feiloaiga ma sui o le faalapotopotoga poo le Asosi o Alii ma Tamaitai Fomai le Samoa Medical Association.

O loo lipotia e le vaega faasalalau a le Talamua lea fuafuaga a le faigamalo ua iai nei ua maea ona pasia e le Kapeneta ae o le taimi nei o loo faia fesootaiga ma le faigamalo a Amerika Samoa mo le ave atu iai o gasegase e manaomia i o latou togafitiga lea masini faata e faatali ai le taimi e taunuu ai le faata fou.

I lea foi feiloaiga na faaailoa ai le afioga i le Minisita le faatupulaia pea o le numera o tagata Samoa ua maua i le gasegase o le fatu.

“Talu ona matou ulufale mai e avea ma faigamalo fou o Samoa o le tele o la’u mātau i tagata o loo tuumai a latou talosaga mo togafitiga o tagata o loo aafia i le gasegase o le fatu (heart disease).

Na ia taua foi o le siitia o nei gasegase i le atunuu e tatau ai foi ona tagatagai i le saili o nisi o loo iai le tomai i lea vaega faalesoifua maloloina (cardiologists) ma o loo telē le agavaa ina ia galulue ai i totonu o Samoa.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required