O loo toso i le pa’u matu i Amerika Samoa o le tasi o vaa o le faalapotopotoga o vaa a le atunuu le Samoa Express mo le toe faia o galuega e faaleleia atoa ai le vaa ma toe vali lea auala o femalagaiga a lo tatou malo o loo tautuaina malaga i le va o motu o Upolu ma Savaii.
Ua faailoa e le faalapotopotoga o vaa i upegatafailagi a le Matagaluega o Galuega Tetele ma Felauaiga a le Malo, o loo iai le fuafuaga o le vaiaso fou e toe fealuai ai le Samoa Express mo ana malaga masani.
Faaalia i se pepa o faamatalaga o le toe faia o ia galuega faaleleia i le vaa ona o le tausia lava o le saogalemu i faiga malaga o loo tautuaina ai le atunuu faapea uta o loo feaveai i lea sā o le faalapotopotoga o vaa a Samoa.
