Search

Fuafua le Ea Niu Sila e faia seisi auala e fai ai siaki mo le koviti mo lana aufaigaluega

Ole vaiaso fou lea ua fuafua e amata ai se faataitaiga o le faaaoga ole faua sei tulou le faafofoga a le atunuu e faia ai suesuega ole koviti 19 mo tagata faigaluega i tuaoi poo borders a le kamupani a le Ea Niu Sila.

O le aso ua faalauiloa mai ai se faiga faapaaga a le kamupani ma le Crown research Institute e faia ai lea tulaga, o se faiga faigofie e sailia ai pe o aafia I le koviti 19 faatusa atu I le suesuega e masani ona faatino mai le isu.

O le aufaigaluega ale kamupani vaalele e masani ona faia siaki e le Matagaluega o le soifua maloloina, o se vaega o ana suesuega masani, o le a valaaulia  foi e auai ai I le suesuega.  Ile taimi nei ole tele o le aufaigaluega ia I tuaoi o loo faia siaki mai le isu ile tai fitu aso atoa ai ma siaki faale soifua maloloina I aso uma.

O le suesuega fou la lea ole a faia I totonu o le 2 poo le 3masina ma ua faailoa e se sui o le kamupani vaalele Dr Ben Johnston o le faia ole siaki ina ia faamaonia ai pe iai seisi auala faigofie lona faiga mo auvaa ma pailate ma I latou e galulue I auaunaga nei.

Fai mai le matagaluega o le soifua maloloina pei ona lipotia ele tv1 o le itu e sili ona taua o loo maualalo pea le tulaga o le faamai ma ona aafiaga I Niu Sila faatusa atu I atunuu I fafo. Ua faailoa foi faaopoopo atu I ia faiga fou o loo Iloilo foi le faaaogaina o nisi faiga fou o siaki I nofoaga e faanofoesea ai tagata

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required