O le asō lea ua faataunuu ai le fonotaga a minisita o malosiaga, energy ministers i Ausetalia nei e faatalanoa ai ni auala e ono maua ai se fesoasoani mo le atunuu atoa i le taugata o le tau o iai le soifuaga i le taimi nei.  

Saunoa le Palemia Anthony Albanese o nei mataupu ua faapopoleina ai tagata sa fatufatu mai i le tele o tausaga ua tuanai ma faigamalo na iai muamua lea ua lē mafai ona faataunuu a latou polisi tau malosiaga sa faalauiloa i le tuanai.  

Fai mai le Palemia e moni e iai mafuaaga mai atunuu i fafo e mafua ai siitaga i tau o oloa ma auaunaga peitai o le faaletonu lava foi o faigamalo talu ai ua atili lagona ai le faigata o le mataupu. 

O loo nofo faatalitali le to’atele pe iai sina faamāmā avega o le a maua mai i nei fonotaga auā ua feagai tonu le siitia o le tau o le eletise ma le oo mai o le taumalulu.