Photo: AP

Fono le Malō mo se tonu o tagata Niu Sila i Afghanistan

O le asō lea ua fuafua e fono ai le Faigamalo e faia se faaiuga faavavevave e faatatau I le ituaiga fesoasoani o le a tuuina atu mo tagata Niu Sila e toa 17 o loo lipotia mai o loo aumau i Afghanistan lea o loo tulai mai ai nei vesiga.

O lea ua see ane le Taliban ma faoa le aai o Kabul ao taumafai ai le peresetene o loo iai nei ma ana vaegaau e sosola ese ma le atunuu. O le toa 17 o tagata Niu Sila I Afghanistan o I latou ia ua maea ona lesitala o latou suafa ma iloa ai o loo nonofo I Afghanistan ae o loo lipotia o le aofaiga sa’o e maualuga atu.

O loo galulue nei le Matagaluega o le Vai fafo a le atunuu ma tagata ia faatulaga se faiga e aveesea mai ai tagata mai le atunuu ma o le mafuaaga lea o le fonotaga I le aso. Faimai le palemia e manaomia le fono vave loa o le malo ia faia se faaiuga ona ua puupuu foi le taimi o sina faamalama o loo avanoa mai I le taimi nei mo le aveeea mai o tagata niusila I lea atunuu.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required