O loo iai nei i Aukilani sui usufono e aofia ai minisita mai atunuu e 11 mo le fonotaga a le CPTPP poo le Comprehensive and Progressive Agreement for Trans Pacific Partnership.
O atunuu o loo aofia ai e iai Niu Sila, Ausetalia, Brunei, Kanata, Chile, Iapani, Meleisia, Mexico, Peru, Singapore ma Vietnam.
O se tasi vaega tāua o le fonotaga o le saini lea o le UK e faasauni e auai ai i le kulupu lea ma ua faailoa ai e le minisita mo fefaataua’iga a Niu Sila o Damien O’Connor o le iai o le UK i le CPTPP e aumai ai foi ma lo latou itulagi i le Indo Pacific ma unaia ai le lagolago.
Na faailoa i lipoti a le One News sa tuuina foi se talosaga a Ukraine e fia auai ma o le a faatalanoaina e sui atoa ai ma talosaga mai atunuu e pei o Saina, Taiwan, Ecuador, Costa Rica ma Uruguay.
O le iloiloga sa faia i le masina na tea nei e le matagaluega o le va i fafo na iloa ai o le maliega lenei sa faaopoopo ai fefaataua’iga i le va o atunuu o loo avea ma ona sui ma faailoa foi e le faatonu o oloa auina atu i fafo a Niu Sila o Joshua Tan, o le maliega ua tauia ai le tautiga.
