E faitau afe aiga i Niu Sa Uelese o le a maua se fesoasoani i pili o aoga amata a le fanau mai le faigamalo a le setete e pei ona faailoa i le asō.
O le a tuuina e le malo le 500 mo le tamaititi e toatasi mo tausaga taitasi ma e lua tausaga e faia ai lea faatatau mo aiga e iai fanau e tai tolu tausaga i Daycare ma polokalame a aoga amata.
E 64 miliona e faaalu i lenei fuafuaga ma o le inivesi lea ua faia e le faigamalo a le setete i aoga amata.Fai mai o le isi 20 miliona mo le Flexible Initiatives o le a faalautele ai aoaoga i aoga amata ma fesoasoani ai i matua.
O le isi 22 miliona o le a inivesi i totonu o le 5 tausaga e faafaigaluega ai tagata i auaunaga ia e aofia ai ma ni avanoa sikolasipi.
Saunoa ai le sui Premier o le setete Prue Car e tāua tele le amataga mai o le olaga aoaoina o le tamaititi ma o le inivesi ua faia nei o le a maua ai ni o latou lumanai lelei.
