E ono oo atu i le $4000 e maua e aiga i rebates e faapipii ai solar panels ma maa pe afai ae toe tulai mai le Leipa i le palota o loo loma, lea fai mai le latou mau e ono aafia ai le tau e totogi e tagata i le eletise.
O le 4 afe lea e pei ona lipotia i le One News e mafai ona vaelua e 2afe mo solar panels e faapipii i luga o fale ma le isi 2 afe o le ponesi mo le faapipiina o maa (batteries) e pei ona faamanino e le Leipa.
Fai mai le taitai o le Leipa o le malamalama na maua mai i isi poloketi sa faia i lalo o le Community Renewable Energy Fund ua iloa ai o le faia o solar panels e mafai ona faaitiitia ai pili e totogi e tagata mo le eletise e oo atu lava i le 50 pasene o le tau e masani ona iai.
Ua mae’a foi ona faalauiloa e le Green le latou fuafuaga e faatatau i le eletise lea e unaia ai aiga e faaaogā solar panels ia ae e iai ma le 6 afe tala o le fesoasoani mo le faaleleia o fale.
O le fuafuaga a le National ua folafola ai le faaaogā o le eletise maua mai le la, savili ma le vevela mai le eleele.
