O se taumafaiga e ta’ita’ia e tupulaga talavou e finauina ai le tuutuu ifo i lalo o le matua o le tagata e mafai ai ona palota i palota a le atunuu, o loo  fofogaina i le faamasinoga maualuga i le asō.  

O le 16 tausaga le matua lea e finauina e le campaign lea e tatau ona mafai ona palota ai le talavou. O se mataupu ua lipotia i le ZB sa finauina foi i le faamasinoga maualuga ma le faamasinoga o apili i le tausaga 2020 faapea foi ma le tausaga talu ai ma o loo finau o le mataupu o se tulaga tau i aiātatau.  

Fai mai a latou o se faamatalaga aloaia mai le Supreme Court a Niu Sila, o se fe’au malosi lea mo le Palemenne e ao ona o latou toe faatulaga itu o loo solia ai a latou aiātatau, o se faamatalaga lea mai le faatonu o le kulupu lea Make it 16. 

O le kulupu na faatuina i le 2019 ma ua faailoa foi se finagalo o le loia sili David Parker i le mataupu lea e faapea sa sa’o le faai’uga a le faamasinoga maualuga i le mataupu lea i le taimi muamua lea na o latou teena ai le mau a le Make it 16.