Pak n Save

Foai e le PaknSave I Manukau meaai mo Aukilani I Saute

Faia e Aukilani I Saute mo Aukilani I Saute

E oo atu I le $10,000 le tau o meataumafa ofoina mai e le PaknSave I Manukau mo le komiuniti I Aukilani I Saute I lenei taimi faigata

O lea ua toe galulue faatasi le alii pule o lea lala o le PaknSave, Stephen Lockie ma le Buttabean Motivation Food Bank e tuuina mai le fesoasoani e ala I meataumafa mo aiga o moomia

O le Aso Faraile o le vaiaso talu ai seia oo I le faaiuga o le vaiaso nei, lea o loo tufatufaina ai meataumafa mo aiga o Aukilani I Saute ua mafai ona oo iai le faasoa

Ao faaoo atu ai la e le PaknSave I Manukau I le vaega a le Buttabean meaai mo le faasoaina atu I tua I le komiuniti, o loo tatala mai ai foi ma le avanoa mo tagata faatau e fia fesoasoani I lenei galuega alofa, e ala lea I le mafai ona foai o soo se oloa e te gafatia mo lenei poloketi

E le o le uluai taimi lenei ua galulue faapaaga ai le PaknSave I Manukau ma le Buttabean I poloketi faapenei e fesoasoani ai I tagata o le komiuniti, ma o se faamamaavega foi lea I aiga o Aukilani I Saute ua aafia ona o le Koviti

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required