Ua fiu le augaoi e samala faamalama tioata o le faleoloa i Mt Roskill i Aukilani ananafi e lei manuia, ma lipotia o lea na faamanu’alia ai ma le sikulati.
O se tasi o faleoloa i Mt Roskill Iea na samala e le augaoi pe tusa ma le toafā i le toalima i le te’a o le fā i le afiafi ma o le sikulati lea na alu ane e taofi.
A o faia ai lana galuega na faamanu’alia ai ma i lipoti e foliga mai o le samala lea na faaaogā.
O le fiu ai e samala e le ta’ei tioata na toe sosola ese ai loa i le taavale ma e lē mamao lava le nofoaga na mulimuli toe maua ai le taavale.
Ua faamaonia mai e leoleo e lē tuga manu’aga o le sikulati ma e lei faaaogāina foi e le augaoi ni laau malosi.
O loo faaauau nei suesuega a le ofisa i lenei mataupu.
Puna o Faamatalaga: Security guard struck with hammer in Auckland robbery attempt (1news.co.nz)
