O loo faia nei su’esu’ega a leoleo FIti i se faalavelave ua lipotia na osofa’i ai e se kulupu o ni alii se vaa fagota Asia sa taula i le laumua o Fiti o Suva, ua o latou osofa’ia ai le auvaa i le faai’uga o le vaiaso na te’a nei.
O nisi o videos ua alia’e i le social media ua iloa atu ai le osofa’ia o le auvaa e le kulupu lea pe ā ma le to’alima alii o loo kava foliga ma o loo vaaia i lea video le taumafai o le auvaa e puipuia i latou mai ia osofa’iga e faaaogā ai ofe fagota.
Fai mai leoleo e iai tagata o loo su’esu’eina i le taimi nei i le faalavelave lea ae o le vaa sa taula i Suva mo le faamoemoe o ni galuega toe faaleleia ae osofa’i ai e le kulupu lea e lē taumate o le naunau e gaoia i’a mai le vaa fagota.
O loo faaauau le su’esu’ega i le taimi nei ae lē o ta’ua nisi o le auvaa na faamanu’alia i lea osofa’iga.
Puna o Faamatalaga: https://www.rnz.co.nz/international/pacific-news/558755/fiji-police-investigating-attack-on-fishing-vessel-docked-in-suva
