Search

Faatupulaia pea sauaga mataga faasaga i fanau teine laiti i le atunuu

Ua matauina e le faamasinoga ua lē misi se vaiaso ma se mataupu e tulai ai ni alii poo ni taulele’a i luma o le faamasinoga maualuga e tali i moliaga o le faia o uiga mataga i fanau teine laiti. 

E oo atu i le fa le aofai o mataupu faapea ma tolaulauina i luma o le afioaga i le faamasino ia Fepuleai Ameperosa Roma i le amataga o le vaiaso. I le masina na te’a nei e toalua ni alii na malosia le faia o uiga mataga i se tamaitai i le maketi i Savalalo i Apia ma na faia ai suesuega a le Matagaluega o Leoleo.

O se isi mataupu ese na aafia ai se teineititi 9 tausaga le matua i Vaivase Tai i le Aso 19 o le masina na te’a nei lea na masalomia ai le faia ese taule’ale’a o ni uiga mataga i lea teineititi. E 3 moliaga o loo molia ai lea tamā, o loo taofia pea e leoleo ma o le Aso 22 o Novema o le a tulai ai e tali ona moliaga.

O le mataupu lona tolu e aofia ai se tamā matua mai Vailoa Faleata lea o loo molia nei i moliaga e 7 o le taumafai e fai ni uiga mataga i se teineititi e i lalo o le 12 tausaga le matua. O loo taofia foi lenei tamā ma e tulai i le faamasinoga i le 2 vaiaso o i luma.

Ma le mataupu lona fa, e 21 moliaga faasaga i se tamā masalomia le tele o faiga o uiga mataga i se teineititi 15 tausaga le matua mai le Aso 31 o Ianuari agai atu i le Aso 1 o Mati i le tausaga nei. E e eseese nofoaga na tulai mai ai nei faiga lē alofa i totonu o afioaga nei o Tuilaepa i Upolu ma Samata Tai i Savaii. Na tatala i tau lea tamā e tālia ai lona toe tulai i le faamasinoga i le lua vaiaso o i luma. Ua faatonuina foi e taumamao ese ma lē na aafia o aiaiga ia o le tatala ai o ia i tua.

O nei uma mataupu e le’i tuuina atu tali a i latou ua molia ma o le a tulai i vaiaso o Iuma. O se tulaga ua fesiligia ai le saogalemu o fanau tamaitai mai nei faiga lē alofa ona o le faatuputupu laia pea ona tulai mai ma e lē alo foi le faamasinoga mai le tuuina atu o faasalaga talafeagai i nei ituaiga soligatulafono.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required