E ui ua le mafai ona taalo le alii o Luke Metcalf ole Warriors mo le faaiuga o le taamilosaga ae talitonu o le avanoa ane o le loka o Tohu Harris ole a fesoasoani tele mo isi taaloga o le a sosoo ai a le au.
Faailoa e le alii faiaoga o Andrew Webster e ono toe maua se avanoa e taalo ai Metcalf pe afai e sao le warriors i le finals i le aso 1 Oketopa, sa afaina Metcalf i manuaga mai le taaloga i le aso faraile talu ai na malo ai le warriors i le Dragons i ai e 18-6.
Maua foi tala fiafia i le toe malosi ane o Te Maire Martin mai manuaga o le a fesoasoani i filifiliga o le au ma o le tele o isi tama taaalo o loo faamalolo mo le taimi nei ma le faamoemoe e mafai ona faa taaalo pe a ausia e le au le finals o le taamilosaga o lenei tausaga.
O leisi taaloga o le a sosoo ai a le Warriors e fetaui ai ma le Dolphins i le Suncorp Stadium i Brisbane i le aso toonai i le ta o le lima i le afiafi
Comments
Loading comments…