O loo mataitu lava e le faiaoga lagolago o le Moana Pasifika, Stephen Jones le tulaga e tatau ona pulea ma faasoa lelei e le ‘au ona taimi malaga ma tapenaga auā isi taaloga o totoe.

Sa taalo i le vaiaso na tea nei le Moana ma le Western Force i Perth lea na malo ai i le Aso Faraile talu ai, a o lei toe taliu atu le ‘au i Aukilani e faasauni mai ai mo le isi taaloga i le po nanei ma le Brumbies lea e faia i Canberra.

O le Fijian Drua o le a fetaui ma le Waratahs i le aso a taeao i le taamilosaga 5 lenei o le Super Rugby Pacific.

O loo finau pea ‘au ia e lua a le Pasefika mo ni avanoa i ‘au e 8 pito i luga o le taamilosaga.

O le taimi nei ua lua malo a le Moana mai taaloga e fā, ae o le Drua e tasi le malo mai taaloga e fā ua mae’a.