O se kulupu o tagata e iai visa nofomau I Niu Sila ae lei faia ni tui puipui o le koviti 19, ua lipotia ile aso ile televise a niusila ua o latou aveina le malo I le tulafono ona fai mai a latou ua poloka I atunuu I fafo ma ua le mafai ona toe foi mai I o latou aiga.

Taua I le lipoti o le toatele o tagata ua leva ona nofomau I Niu Sila ma ua autausaga o nonofo ile atunuu. Fai mai e 750 le aofai o sui o le kulupu lea ua faaigoaina o le The Forgotten of NZ.

Ua molimau nisi o I latou ia I le leai o se avanoa e toe foi mai ai I le atunuu ona o le tulaga e lei faia ni tui puipui. O le finauga la ale kulupu lea ona e tau fai tutusa lava latou ma isi tagata nofomau I niusila lea ua leva ona faataga le malaga mai.

Ua laga ai ma nisi o finagalo I le mataupu lea ma taua ai e le polofesa o Michael Baker o lona talitonuga o le toatele o tagata e le faia ni tui puipui ile komiuniti o le tele foi lena o le lamatiaga o le komiuniti lautele. O leisi itu afai ae aafia o le a oo ina matuai tigaina ma e le taumate o le a faaaoga ai avanoa o loo manaomia foi e isi gasegase.

Fai mai minisita o le koviti 19 Chris Hipkins e lei faitau I le tusi mai le kulupu lea ae le faia foi sana faamatalaga on aua oo I le tulafono ae fia faailoa o polisi ua faatatau I tuaoi o loo fai lava ma toe Iloilo.