O le a finauina e le Faigamalo a le Feterale le siitia o le totogi maualalo o galuega ma tuuina lea siitaga ina ia ogatasi ai ma le siitia i le tau oloa ma auaunaga.
O tausaga taitasi e iloilo ai e le Fair Work Commission pe siitia le totogi lea mo tagata faigaluega ma faamaonia ai le siitaga i le lua tausaga talu ai ona o le faaauau pea o le inflation.
O le taimi nei o le totogi maualalo o galuega e $23.23 sene i le itula ma o le a finau pea la le malo mo le siitia o lea aofaiga ia ogatasi foi ma le inflation.
O le Aso Tofi la lea e tuuina atu ai le finauga lea mai le malo ma finauina ai penefiti e mafua mai i le faaititia o lafoga ia amata mai ia Iulai.
O le finauga e faapea o tagata o loo aupito maualalo totogi o loo ese o latou aafiaga mai le inflation pe a faatusa i isi ma o le siitia o le minimum wage o le a fesoasoani lea mo latou.
Fai mai le mau a le malo o lenei finauga e lē faapea ua fai atu ai le malo o le a otomeki lava ona siitia le totogi maualalo o galuega pe a iai le inflation ma e lē na o le inflation foi le mafuaaga e talosagaina ai siitaga i totogi.
