Finau le contact centre mo totogi

O loo faia nei le tetee ale vaega o fesootaiga poo le contact centre a le Countdown ona o le mataupu e aofia ai o latou totogi.

Faailoa mai e le sui o le First Union o loo tulai mo le aufaigaluega Robin Whiting Wilson na ia faailoa o totogi ole aufaigaluega a le contact center a le countdown I Wiri I Aukilani e 2 tala o loo itiiti ai nai lo isi kamupani ma o i o loo agai mai ai le finauga I lenei mataupu.

Faailoa ile lipoti mai le stuff I le aso se faamatalaga mai le sui ole Iuni o le vaega lea e feagai ma faasea e faaoo atu I le kamupani aemaise o oka e faia I luga o auaunga ile upega tafailagi ma faafesili patino I totonu o le kamupani,

Ole finagalo o le Iuni e lagona e le aufaigaluega foliga e le o amanaia a latou taumafaiga ma tiute fai faatatau I le auaunaga aemaise le faatupulaia o nisi o auaunaga manaomia ai le fesoasoani I le taimi o le koviti 19.

Pe a male 7 afe tagata faigaluega o loo ile iuni I le supamaketi na maua o latou uluai totogi I lalo ose maliega na sainia ia Novema tausaga talu ai e aofia ai le auaunaga e faatino mo le 12 masina ile totogi aupito maualalo e 21.15 ile itula ae le o le totogi ole living wage e pei ona iai I le taimi nei e 22.10 sene. O loo talia se faamatalaga mai le Countdown I lea mataupu

LAUILOA

Keep uptodate with Radio Samoa activity & promotion

* indicates required