Filifilia Vui e avea ma Faamasino Sinia o le faamasinoga maualuga

 Ua faamamalu aiaiga fou o faiga faavae na pasia e le paeaiga lona 16 o le Palemene talu ai ua aiaia ai faaletulafono le tofiga o le Faamasino Sinia o le Faamasinoga Sili a Samoa. 

O ia aiaiga fou ua filifilia ai le afioga Vui Clarence Nelson e avea ma faamasino sinia o le faamaisnoga maualuga a le atunuu ma o le aso muamua o lenei masina faai’u o le tausaga na faatauto ai o ia i luma o lana afioga i le Ao o le Malo ma aloaia ai lona tulaga o le Faamasino Sinia. 

O le maea o le faatautoga na maua ai le avanoa o le vasega o Tusitala e faatalanoa ai le afioga i le Faamasino Sinia o le faamasinoga sili. Ina ua fesiligia i le taua o le faatinoga o le galuega tauala atu i lea tofiga fou taua e Vui “I le faatinoga o galuega masalo o le faatino aupito sili ona taua a faapea malaga le afioga i le Faamasino Sili ia o a’u la o le a vaaia le faamasinoga ma le ofisa ae e iai foi isi laasaga ma tiute faapitoa e tauave e ese mai tiute masani ia ua sauuni ai foi e faaauau lea vaega.’ 

O le taimi muamua lenei ua aloaia ai faaletulafono le tofiga faamasino sinia o le faamasinoga maualuga a le atunuu ma na taua e Vui e taua tele ona o se sui lea o le faamaisno sili pea a fai e malaga pe gasegase foi ae le gata i lea o nisi o matafaioi o le a mafai ona fesoasoani ai i le galuega faafaamasinoga ma o el a galulue vaavaalua ai ma le afioga i le faamasino Sili. 

U silia ma le 20 tausaga talu ona avea Vui ma faamasino i le atunuu ae ua ova atu ma le 15 tausaga talu ona avea ma faamasino o le faamasinoga maualuga. 

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required