O alii ma tamaitai sa aoaoina i totonu o le Iunivesite Aoao o Samoa sa maua ai o latou faailoga maualuluga, ma o nisi ua mau tulaga lelei i galuega a le malo ma pisinisi tuma’oti, ua fautuaina e le Pule o le iunivesite e ave le latou lagolago e unaia ai fanau a le atunuu o loo aooga ma sue o latou faailoga maualuluga i le Papaigalagala.
O le finagalo o le Pule Sili sa faaleo i le mafutaga a alii ma tamaitai sa aooga i le Iunivesite Aoaoa a Samoa i tausaga ua tuanai, ina ua tauaofia lea mafutaga ua ta’ua o le NUS Alumni ua aofia ma le Minisita o Aoga Taaloga ma Aganuu o se sui o le mafutaga, sa faauu i lona faailoga o le Bachelor of Education ia Oketopa o le tausaga na tea nei.
O nisi o sui ua avea ma faifeau i nisi o ekalesia kerisiano i Samoa. O le faatasiga a le mafutaga i le faaiuga o le vaiaso na filifilia ai le afioga Sooalo Kuresa Sooalo e avea ma Peresetene fou o le mafutaga ma o loo avea lea tamalii ma Ofisa o le Pulega o Uafu ma Taulaga.
O le sui pelesetene ua filifilia iai le faafeagaiga susuga Eric Poe, o le susuga Savea Fiti Tausisi o le Failautusi ma le teutupe ua tofia iai le susuga Victory Utumapu Milford.
Comments
Loading comments…