Ua faamaonia mai nei le filifilia ai o le alii taalo lakapi o Miracle Faiilagi e avea ma kapeteni o le ‘au a le Pasifika i Niu Sila nei o le Moana Pasifika mo le taamilosaga a le DHL Super Rugby Pacific.
I se pepa o faamatalaga mai le Moana Pasifika, o loo ta’ua ai le avea ai o Miracle ma kapeteni, o se matāti’a lea mo lea alo o Samoa, e tusa ai ma ana taumafaiga e pei ona amata mai i kalapu lakapi i Samoa se’ia oo mai lava i tulaga o taaloga faapolofesa.
O Miracle Faiilagi, o se alii taalo muamua lava lea na maua sona avanoa ma se konekarate Super Rugby e tauala sa’o mai lava i kalapu i Samoa, ina ua iloa e i latou o faia’oga a le ‘au a le Moana Pasifika i se tasi o polokalame ua ta’ua o le World Rugby Pacific Combine na faatino i Suva i le tausaga e 2022.
Faaalia le mata’ina o taumafaiga a lenei alo o le atunuu mo le ‘au talu ona auai ma amata taaalo Miracle mo le Moana Pasifika.
O lea alii e mai afioaga o Vailele ma Uafato, ma sa ia ta’alo mo le ‘au a le Taula Eels ma sa faamauina foi le avea ai o ma tama taalo tausaafia poo le player of the tournament a o iai le Under 20s.
Ta’ua e le faia’oga o le ‘au, Fa’alogo Tana Umaga, o Miracle o se tagata e maua’a ana taumafaiga ma o se tagata e lelei sona ta’ita’iga ma e telē lona faamoemoega mo lea alii ma ana taumafaiga mo le ‘au.
Puna o Faamatalaga: Pasifika Media Release
