Ua tofia ma ua aloaia foi le avea o Gerry Brownlee o le National ma Fofoga Fetalai a Niu Sila.

Ua suitulaga ai nei ia Adrian Rurawhe o le Labour lea na ia tauavea mai i le paeaiga faatoa uma atu.

O le mae’a ioeina ma faamanuia iai sui faipule i le maota ananafi na tolopo ai le Palemene ae faatasi atu i le sauniga e faatauto aloaia ai e le Kovana Sili ia Dame Cindy.

O Brownlee o le Fofoga Fetalai lona 32 lea o le maota, ma o ia foi o le sui faipule aupito i tele tausaga talu ona tulai mai e pei ona faatoa ulufale ai i le maota i le 1996.