Ua tapena le Ofisa o le Fono Aoao Faitulafono e faafeiloai lo latou faauluuluga fou o le failautusi filifilia foi lea o le fono aoao faitulafono le susuga Leatisa Uitime Tala o lē sa avea ma failautusi lagolago.

Ua faailoa mai e le afioga i le Fofoga Fetalai o le Palemene Papalii Li’o Taeu Masepau o le vaiaso na fea nei na faia ai lana tōfiga mo se failautusi fou o le Ofisa o le Fono Aoao Faitulafono ma logoina ai le afioga i le Tamaitai Palemia faapea le taitai o le Ituagai.

O le Aso Gafua o lenei vaiaso na faailoa ai e Papalii lana tōfiga i le aufaigaluega uma a le Ofisa o le Fono ao le’i faatautoina le susuga Leatisā Uitime Tala i luma o lana afioga i le Ao o le Mālō i le Aso Lulu o le vaiaso nei.

E lima tausaga le umi o le tofiga failautusi o le Fono Aoao e lē pei o isi faauluuluga o auaunaga a le Mālō e ta’itolu tausaga. E ono tausaga le umi o le tofiga o le Komesina o Sulufaiga ma o le

Sue Tusi Sili a le malo e 12 tausaga le umi o lona taimi galue.

O le filifilia o Leatisā Uitime Tala ua sui tulaga ai i le afioga ia Tiatia Graeme Tualaulelei ma faamuta lana tautua e mafua i le faaiuga a le Fofoga Fetalai ona o tulaga na tutupu ma aliali

mai i le masina o Me na faia ai le poloaiga a le faamasinoga ina ia usu le uluai tauaofiaga a le paeaiga lona 17 a le Palemene ina ua tuanai le

palota tele a le atunuu.