O le faiaoga talu ai a le All Blacks, Ian Foster ua lipotia o le a avea ma faiaoga i le aulakapi a le lalolagi, le World XV lea o le a fetaui ma le ‘au malosi a Farani i Spain i le masina o Iuni.

Ua lipotia i le RNZ o le aso 22 o Iuni le taaloga lea ma ua tapena iai itu e lua.

O le taaloga o le a talimalo ai Spain a o lei malaga le ‘au a Farani mo lana malaga taamilo i Argentina.

Fai mai le RNZ o nisi o i latou ua faamaonia le filifilia i le 15 lea a le lalolagi e aofia ai Maxime Machenaud (Bayonne & France), Camille Lopez (Bayonne & France), Mako Vunipola (Saracens & England), Semi Radradra (Lyon & Fiji), Billy Vunipola (Saracens & England) ma Tevita Tatafu (Bayonne) a o faatalia ai le lisi atoa o le ‘au.

O Foster e pei ona lausilafia ua telē lona tomai i le lakapi.

Puna o Faamatalaga: https://www.rnz.co.nz/news/sport/513887/ian-foster-to-coach-world-xv-all-blacks-consultant-joins-england