Ua maua le minisita fou mo le matagaluega o leoleo.

O le afiafi ananafi na faamautinoa mai ai e le alii Palemia Chris Hipkins ua filifilia Ginny Andersen e na te vaaia le matagaluega o leoleo.

O Andersen na avea ma sui o le Labour mai le 2003, ma o se tasi o minisita e fou i le Kapeneta e pei ona faatoa faatauto ai i le masina talu ai ina ua faailoa mai le faatulagana fou o le Kapeneta a Chris Hipkins ina ua tulai mai e suia Jacinda Ardern.

O le faaiuga na faailoa mai e le Palemia na aloaia ai lava i lea taimi ananafi, ma o se tasi na ta’ua e le Palemia e tele tausaga o galue ai i le matagaluega o leoleo ma e lava lona malamalama i le faatautaiga o auaunaga faaleoleo.

Talu mai ona tulai mai le Labour i le 2017 ua lona lima i le tamaitai minisita fou ia Andersen minisita o leoleo, ae ua faalima ona sui.

O Andersen ua ia suitulaga ai ia Stuart Nash lea na faamavae i le vaiaso talu ai i le mae’a tautino na ia talanoa i le komesina o leoleo e faatatau i le ono toe apili o se tasi o faaiuga e lei tusa ai ma lona manatu.