Seiuli Fiaoo Faamausili
Photo: Stuff/ FIONA GOODALL

Filifilia Fiao’o Faamausili ma Peresetene o le Iuni Lakapi i Aukilani

O le susuga Seiuli Fiaoo Faamausili o le tamaitai muamua lea ua filifilia e avea ma Peresetene o le Iuni Lakapi i Aukilani. 

O lenei filifiliga na faia i le fonotaga faaletausaga lona 138 a le Iuni Lakapi. O se tamaitai ua iloga i lea foi taaloga ma sa avea foi ma kapeneteni o le au Lakapi a tamaitai i Niu Sila le Black Ferns.

O se tamaitai lauiloa i le tele o ana taaloga na taaalo ai mo Niu Sila. Ua litaea lenei tamaitai mai taaloga Lakapi ma o loo galue nei o se Ofisa Sinia Suesue (Detective Constable ) ma ua alagatatau lona tulai mai ai i lenei tofi taua.

Ua sui tulaga lenei tamaitai Samoa i le tofi Peresetene ina ua maea le tolu tausaga o lē sa tulai mai i le foe ia Eroni Clarke. 

Taua e le taitaifono o le Iuni ia Stu Mather o le tamaitai ia Fiao’o ua tele lona tomai i tulaga o le taaloga Lakapi ma ua tulimatai foi e le laulau le tulai mai o lenei tamaitai e tauaveina le tofi. 

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required